Ag tosnú

Maidir le cuardaigh ghinealais sa Chartlann Náisiúnta tá sé riachtanach an oiread eolais agus is féidir a bhailiú ar an teaghlach a bhfuil taighde á dhéanamh faoi agus is cabhair é na píosaí eolais seo a leanas a bheith agat:

• Sloinne an teaghlaigh
• An paróiste nó baile fearainn ina raibh cónaí ar an teaghlach
• Dáta breithe, pósta nó báis measta

Má tá ainm, áit agus dáta breithe, pósta nó báis measta ar eolas an áit is fearr le tosú ná:

• Do dhuine a mhair idir 1901 nó 1911: na tuairisceáin daonáirimh
• Do dhuine a mhair sna 1840idí, 1850idí agus 1860idí: an Luacháil Phríomha (ar a dtugtar Luacháil Griffith)
• Do dhuine a mhair sna 1820idí nó 1830idí: na Leabhair Leithroinnte Deachúna

Má tá dáta breithe, pósta nó báis ar eolas is féidir breis mionsonraí a fháil óna na taifid a bhfuil cuntas thíos orthu. Mura bhfuil an paróiste nó an baile fearainn ina raibh an teaghlach ina gcónaí ar eolas, d’fhéadfadh na foinsí thíos a bheith ina gcabhair bhreise, go háirithe más sloinne neamhghnách atá ann.

• Innéacs CD-ROM don Luacháil Phríomha (ar a dtugtar Luacháil Griffith);
• Innéacsanna de Shloinnte sa Luacháil Phríomha agus Na Leabhair Leithroinnte Deachúna (tá Imleabhar nó níos mó ann do gach contae);
• Tábla ag taispeáint sloinnte le cúig iontráil nó níos mó in innéacsanna breithe 1890 agus na príomhchontaetha ina bhfuarthas iad (Irish Genealogy, a Record Finder, pp 199–232);
• Innéacs cárta tiomnaithe agus innéacsanna eile ag dul le huachtanna agus taifid thiomnacha;
• Bannaí ceadúnas pósta;
• Innéacsanna do shleachta ginealais;
• Innéacs cártaí ilghnéitheacha;
• Manuscript Sources for the History of Irish Civilisation (féach Foilseacháin ghinealais).