Páipéir Chláraithe Oifig an Phríomh-Rúnaí, 1818-1922
Is ionann taifid Oifig an Phríomh-Rúnaí agus ceann de na bailiúcháin is luachmhaire dá bhfuil ann agus ina gcuimsítear bunábhar foinse i gcomhair taighde ar Éirinn sa naoú haois déag agus ag tús an fichiú haois.
Is é is mó atá ann sna páipéir chláraithe ná comhfhreagras a tháinig isteach in Oifig an Phríomh-Rúnaí agus é ‘cláraithe’ ag cléireach de chuid na hoifige sin. I measc an chomhfhreagrais áirítear litreacha, achainíocha, meabhracháin, meamraim, mionnscríbhinní, moltaí, cuntais, tuarascálacha agus tuairisceáin. Tá foinse luachmhar ann sna páipéir do scoláirí i réimse stair pholaitíochta, shóisialta, eacnamaíochta agus oibreachais na hÉireann, agus i réimse stair na mban in Éirinn, agus, chomh maith leis sin, is foinse luachmhar eolais iad do staraithe áitiúla agus do ghinealeolaithe.
Tá catalóga le haghaidh na mblianta 1818-1833 agus doiciméid ina dtugtar comhthéacs tábhachtach staire ar fáil anois agus is féidir cuardach a dhéanamh san ábhar sin ar láithreán gréasáin Pháipéir Chláraithe Oifig an Phríomh-Rúnaí agus inár gcatalóg ar líne.
